Showing posts with label ពត៌មានថ្មី. Show all posts
Showing posts with label ពត៌មានថ្មី. Show all posts
Thursday, March 17, 2016
Sunday, February 21, 2016
ហេតុអ្វីបានជាឈាមមនុស្សមានពណ៌ក្រហម?
ប្រែសម្រួល៖ Panha hang
ហេតុអ្វីបានជាឈាមមនុស្សមានពណ៌ក្រហម?
តើអ្នកដឹងទេមូលហេតុដែលឈាមរបស់មនុស្សមានពណ៌ក្រហមដោយសារតែមាន សារធាតុអុកស៊ីសែន នៅក្នុងគោលិកាក្រហម (គ្រាប់ឈាមក្រហម)។ តួនាទីនៃគោលិកា ពិសេស ទាំងនេះគឺមានតួនាទីដឹកនាំអុកស៊ីសែនពីសួតទៅកាន់ប្រព័ន្ធរាងកាយ របស់យើងគ្រប់កន្លែង។
មួយវិញទៀត វាកើតឡើងនៅក្នុងខួរឆ្អឹង និងអេម៉ូក្លូប៊ីន ដែលកើតចេញពីសារធាតុដែក និងប្រូតេអ៊ីន ហើយធ្វើឲ្យពណ៌ក្រហមកាន់តែមានពណ៌ខ្លាំងឡើងនៅពេលដែលវា ទទួល យកអុកស៊ីសែន។ ដោយឡែកវានឹងបាត់បង់ពណ៌ក្រហម នៅពេលវាបញ្ចេញអុកស៊ីសែន ចោលនៅក្នុងកោសិកាដទៃទៀត ហើយទទួលយកកាបូនឌីអុកស៊ីត ដើម្បីដឹកនាំ ត្រឡប់ទៅរកសួត។
ដូច្នេះហើយបានជាសសៃឈាមមួយចំនួននៅក្នុងដៃ និងកំភួនដៃរបស់យើងលេចឡើង ចេញជាពណ៌ខៀវតាមរយៈស្បែករបស់យើង។ នៅពេលណាមានអុកស៊ីសែន និង កាបូនឌីអុកស៊ីត នៅពេលនោះឈាមនៅតែដឹកនាំសារធាតុចិញ្ចឹមទៅក្នុងកោសិកា ដើម្បីឲ្យវាអាចដំណើរការតួនាទី និងសម្រាប់កែលំអកោសិកា ព្រមទាំងភាពលូតលាស់។
ជាមួយគ្នានេះដែរ នៅពេលដែលមានគោលិកាក្រហម ឈាមរបស់យើងក៏នាំ គោលិកាសមកដែរ ដើម្បីជួយទប់ស្កាត់ និងការពារជំងឺ។ កោសិកា និងសារជាតិ ចិញ្ចឹម ទាំងអស់ត្រូវដឹកនាំទៅរកវត្ថុរាវខាប់ និងមានពណ៌លឿងថ្លា ដែលត្រូវបានហៅថា ប្លាស្មា។
សារធាតុដទៃទៀតដែលដឹកនាំទៅរកប្លាស្មា រួមមាន Fibrinogen ដែលជួយឲ្យឈាមកក នៅពេលដែលយើងមានរបួស៕
កាហ្វេ ៣ពែងក្នុងមួយថ្ងៃ អាចជួយព្យាបាលជំងឺថ្លើម
ប្រែសម្រួល៖ Panha Hang
មែលប៊ន៖ ការសិក្សារបស់ក្រុមអ្នកស្រាវជ្រាវជនជាតិអូស្រ្តាលី បានបង្ហាញថា អ្នកដែលទទួល ទានកាហ្វេច្រើនជាង ២ពែង ក្នុងមួយថ្ងៃ អាចជៀសផុតពីគ្រោះថ្នាក់នៃជំងឺថ្លើម។ នេះបើយោង តាមទីភ្នាក់ងារព័ត៌មានចិនស៊ិនហួចេញផ្សាយនៅថ្ងៃអង្គារ ទី ១៧ ខែវិច្ឆិកា ឆ្នាំ ២០១៥។
ការសិក្សា ដែលត្រូវបានធ្វើឡើងនៅមហាវិទ្យាល័យ ម៉ូណាស៍ ក្នុងទីក្រុងមែលប៊ន ប្រទេស អូស្រ្តាលី បានធ្វើការវិភាគលើ អ្នកជំងឺថ្លើមចំនួន ១.១០០នាក់ នៅមណ្ឌលសុខភាព ហើយ បានរកឃើញថា កាហ្វេពិតជាអាចកាត់បន្ថយគ្រោះថ្នាក់នៃ ជំងឺថ្លើមមែន។
ជាមួយគ្នានេះដែរ ក្រុមអ្នកស្រាវជ្រាវបានបង្ហាញថា ការទទួលទាន កាហ្វេ ២ពែងក្នុងមួយថ្ងៃ អាចកាត់បន្ថយភាពទ្រុធទ្រោម នៃជំងឺ រលាកថ្លើមប្រភេទ C ដល់ទៅ ១៣ភាគរយ។ ដោយឡែក យោងទៅ តាមការសិក្សាស្រាវជ្រាវនេះដែរ ក៏បានបង្ហាញឲ្យឃើញទៀតថា ប្រសិនបើអ្នកទទួលទានកាហ្វេ៤ពែងក្នុងថ្ងៃ អាចកាត់បន្ថយ ជាតិខ្លាញ់នៅក្នុងថ្លើមដល់ទៅ ៤០ភាគរយផងដែរ។
គួរបញ្ជាក់ដែរថា យោងតាមស្ថិតិបច្ចុប្បន្នរបស់អូស្រ្តាលី បានបង្ហាញថា ជនជាតិអូស្រ្តាលីជាង ៦ លាននាក់ត្រូវបាន រងគ្រោះដោយជំងឺថ្លើម ដោយអ្នកខ្លះមានជំងឺខ្លាញ់រុំថ្លើម ជំងឺរលាកថ្លើមប្រភេទ B និង C៕
Subscribe to:
Posts (Atom)
